Lau urte hauetan zehar egunero ikusi dut Gipuzkoaren indarra bere eskualdeetan datzala. Gurea ez da makrozefalia oinarritzen den eredua. Orografiari, jarduera ekonomikoari eta nortasunari lotuta, Gipuzkoaren berezitasuna lurraldearen oreka izan da. Horrek Lurralde eta gizarte bezala aberastu egiten gaitu.
Baina egitura horrek zenbait arazo sortzen ditu, konpondu behar direnak. Herri askok duten dimentsioagatik zerbitzu eskaintza mugatua dute eta horrek bertako biztanleak hiri handietara joatera behartzen ditu, Gipuzkoa barneko herri txikietako biztanleak bertan segitzea arriskuan jarriz.
Legealdi honetan LandaGipuzkoa egitasmoaren bitartez ekimen berriak martxan jarri ditugu 1.000 biztanletik behera dituzten herrietan.
Azpiegiturak hobetzea eta oinarrizko zerbitzuak bermatzea izan da gure helburua, bertako herritarrek bizitza kalitate egokia izan dezaten eta Gipuzkoan lehen eta bigarren mailako herritarrak egon ez daitezen.