• Gipuzkoako  hondakinen  konponbidea

    Gipuzkoako hondakinen konponbidea

    Konponbideak eman nahi ditugu EAJ-PNVtik. Gipuzkoako hondakinen kudeaketa dela eta, Bilduk gobernatzen duen Diputazioak nahiago izan du Batzar Nagusietan gehiengo absolutuz hartutako erabakiak betetzeari uko egitea. Inposizioa eta iruzur demokratikoa besterik ez, konponbiderik gabeko irtenbidea.

    Izan ere, Bilduk zuzentzen duen nahasmendu zeremonia xelebrean gaude murgildurik, arazoa kudeatzeari uko egin baitio, irtenbidea atzeratuz eta Gipuzkoako hondakinen zati handi bat Nafarroako Funesera edo Iparraldeko Itsasura eramanez. Izugarrizko kostu handiko apustua, bai energiari, ingurumenari begira eta baita ekonomikoki ere. Hain da kostu handia, non ezer ez egiteagatik Gipuzkoari, interesetan bakarrik, hilero 600.000 euro kostatzen zaion. Gastu izugarri horren arrazoia Zubietako errauskailuan kudeaketarako sisteman ixteko proiektua gelditu izana izan da. Egoera horri buelta emateko konpromisoa hartu dugu. Premiazkoa izaten segitzen du gure hondakinen kudeaketari errematea emateko sistemak, balorizazio energetikoarekin, ekologian tradizio handia duten herrialdeetan bezala, hala nola, Alemanian, Suedian, Danimarkan edo Suitzan.

    Atez Atekoaren inposizioa dela eta, herri kontsultei bultzada emateko konpromisoa hartzen dugu. Eta zergatia oso sinplea da, herritarrekin aurretik inolako adostasunik edo aurre-lanketarik gabe inposatu duelako Bilduk Atez Ateko bilketa sistema. Sistema hori, gainera, txip elektronikoa duen bosgarren edukiontzia jarriz, asko hobetu daiteke, hondakinak behar bezala apartatzeko herritarren nahimena errazten baitu. Beraz, herritan kontsultak egiteko konpromisoa hartzen dugu, baita aurreratuena den bilketa sistemarekin ere. Horretarako, ordea, askoz ere hobea izaten da gizartearen inplikazioa, eta ez gutxiengoak aldebakartasunetik hartutako inposizioa.

    Gipuzkoako Hondakinen Kudeaketarako Plan Integralarekin gaude konprometituta, eta horren datuak teknikoki eta objetiboki berrikustearekin, baita Gipuzkoan, benetan sortzen dugun hondakinen egiazko inbentarioarekin ere.

    Europar Batasuneko datuek eta hondakinak murriztu, berrerabili eta birziklatzeko punta-puntan dauden Alemania, Suitza, Danimarka eta Suedia bezalako herrialdeetako datuek argi erakusten dute, ez dela benetako hipotesia Bilduk gura duen “0 zabor” horretara iristeko aukera kimerikoa. Denok dakigun bezala, birziklatu ezin den hondakinik ez da lurruntzen, ezta desagertzen ere. Bilketa eta kudeaketarako edozein eremutan, beti geratzen da hondar zati bati eman beharreko itxiera ziklo bat. Eta ziklo horrek, Alemania, Suitza, Danimarka eta Suedia bezalako herrialdeetan bezala, balorizazio energetikora garamatza berriro ere, gure gizartearentzat beroa eta/edo argindarra sortzeko balorizaziora. Inondik ere ez da ikusten, Batzar Nagusietan Bilduk defendatzen duen hondakinen fardelen zabortegi berriak egitearekin. Beraz, zabortegi berriak egitea baztertzeko konpromisoa hartzen dugu eta, bereziki, Zestoako Osinbeltz zabortegia egitea baztertzen dugu.

    Irtenbidea ez baita berriz irekitzea, ez berriak egitea, ezta hondakinak garraiatzea ere. Aspalditik dago idatzita irtenbidea, Bilduk aplikatu nahi ez duen Gipuzkoako hondakinen plangintzan: hondakinak sortzea murriztu, apartatu, hondakinak birziklatzen eta berrerabiltzen jarraitu eta, birzikla ezin den hondar zatiari Zubietako balorizazio energetikoko plantan errematea ematea.

    EAJ/PNVn konpromisoa hartuta dugu Gipuzkoako hondakinen kudeaketari behin betiko erantzuna emateko. Indarrean dagoen plangintza behar bezala eguneratu eta zeukan eta daukan irtenbidezko kudeaketa, gehiengo politiko handiarekin, gainera. Beste gai askotan bezala, Europako iparraldeari begiratzeko garaia da. Irtenbide gehiago eta hipotesi eta esperimentu gutxiago eskatzen du gure gizarteak.

    Gipuzkoa hondakinen arazoari konponbidea emateko gure proposamen osoa hemen duzu irakurgai www.markelolano2015.eus

    Utzi zure erantzuna →

Utzi zure erantzuna

Cancel reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR