Kategoria: Guztiak

“Beharrezkoa da Lanbide Heziketa indartzea Gipuzkoako etorkizun industriala bermatzeko”

Posted on by markel

Markel Olano, Gipuzkoako diputatu nagusia eta EAJ-PNVren berrautaketarako kandidatua, Gipuzkoako Lanbide Heziketako 34 zentroetako arduradunekin batzartu da gaur goizean Tknikan, Errenterian, baita Jorge Arévalo Lanbide Heziketako sailduruordearekin ere. Topaketaren helburua izan da Gipuzkoak aurrean dituen erronka sozio-ekonomikoen inguruan aritzea, LH-k egun bizi duen egoeraren inguruko ideiak eta hausnarketak partekatzea, eta etorkizuneko erronken aurrean jarduera lerroak aztertzea. Olanok baieztatu du, Gipuzkoako errealitatea kontuan izanda, “Lanbide Heziketa indartzea beharrezkoa dela Gipuzkoako etorkizun industriala eta sozio-ekonomikoa bermatzeko”.

Markel Olanok adierazi du sektore industrialak Gipuzkoako ekonomia egituratzen duela eta “gure industria indartzearen aldeko apustu sendoa egiten jarraitu behar dugula. Gipuzkoako gizarteak ekonomia lehiakorra, ezagutzan oinarritua eta dinamikoa izatea nahi dugu; etorkizunerako giltzarri izango den ekonomia bat izango duena, pertsonetan, beren ezagutzetan eta gaitasunetan oinarritua”. Lan horretan, hautagaiaren hitzetan, “Lanbide Heziketak paper erabakigarria jokatzen du” eta gehitu du LH Gipuzkoan “europar abangoardian dagoela, izan ere, elkarlanari esker, gizarte aurreratuetan estrategikoak diren erronka eta sektoreetan proiektu berritzaileak garatzen ditu”.

Zentzu horretan, bileraren lehen zatian, Markel Olanok Lanbide Heziketa etorkizuneko sektore estrategiko horien garapenean txertatzen jarraitzearen garrantzia azpimarratu du: “Oso garrantzitsua da LH-k sektore horien aldeko apustua egiten jarraitzea eta horien garapenaren parte izatea, hala nola, zibersegurtasunean, elektromugikortasunean, gastronomia digitalean edo biozientzietan”. Hautagaiak gogorarazi du Tknika eta LH-ko beste zentro batzuk etorkizuneko erronka horiek osatzeko martxan jarritako lurralde estrategietan “aktiboki” parte hartzen dutela, eta eragile “oso garrantzitsua” dela enpresa-ehunaren eskakizunak, eskaintzarekin parekatzerako garaian, baita enpresa ertain eta txikien egokitzapen teknologikoan ere.

Olanok esan duen bezala, egungo legegintzaldian, Gipuzkoako Foru Aldunditik enpresen laguntzak sendotu dira, “etorkizuneko sektoreen eta talentuaren aldeko apustu irmoa eginez: gure industria eta ekonomia indartsu mantentzeko giltzarriak”. Talentuaren gestioaren inguruan, Olanok adierazi du “LH-ren aldeko apustua egitea ezinbestekoa dela Gipuzkoako enpresen eskaria, eskaintzarekin konektatzeko”. “Profesionalez, enpresez eta erakundeez osatutako pertsona sare bat osatu nahi dugu, Gipuzkoa bizitzeko eta lan egiteko geroz eta lurralde erakargarriagoa izan dadin”.

Helburu hori lortzeko, Olanok adierazi du beharrezkoa dela elkarlanean oinarritutako estrategia koordinatu eta bateratu bat izatea “talentua sortu, erakarri eta atxikitzeko”. LH eta formakuntza duala, enpresek euren plantilletan zenbait profil txertatzeko duten “premiari” erantzuten ari direla gehitu du. “Zentzu horretan aurrera egiten jarraitu behar dugu”, Lanbide Heziketara, eta ondorioz, Gipuzkoako industriara, “emakumeen talentua” erakartzeko “ekimen berriak” martxan jartzeko beharra nabarmenduz.

Hautagaiak balioan jarri du Gipuzkoako LH-ko zentro publiko eta pribatuek osatzen duten sare “sendoa”, “lurraldea egituratzen duelako, eskualdeetako lehen mailako eragileak direlako, eta lurraldearen etorkizuneko sektoreetan bultzatzen, indartzen eta sustatzen jarraitu behar dugun balio bat delako”. Horregatik, eta amaitzeko, Olanok azpimarratu du “lurralde osoa norabide berean lerrokatu dadin, kolaborazio logikak garatzeko guneak sortu nahi ditugu”. Zentzu horretan, Lanbide Heziketak paper erabakigarria jokatzen du enpresek behar dituzten profil horiek sortzen, eta eskaintza formatiboaren eta enpresen aldetik datozen eskakizunen arteko erlazioa estutzen. “Eskualdeekin batera Gipuzkoaren garapen sozio-ekonomikorako politikak garatzeko gobernantza eredu berri bat” edukitzearen beharra nabarmendu du hautagaiak. “Horregatik, LH sareak lurralde estrategian eta politika publikoen garapenean parte hartu dezan jarraituko dugu lanean”.

“Kudeaketa eraginkor eta arduratsuaren bermea da EAJ”

Posted on by markel

LAZKAO. “Udala edo Aldundiaren ardura edukitzeak eskatzen du herrirako eta lurralderako eredu eta proiektu argi bat edukitzea; eta, gainera, gestioan zorroztasunez eta arduraz jokatzea”. Ideia hori abiapuntu gisa hartuta, EAJ-PNVren diputatu nagusirako hautagaiak, Markel Olanok, ordezkatzen duen alderdia “kudeaketa zorrotz eta arduratsuaren berme” dela aldarrikatu du, gaur arratsaldean Lazkaon egindako ekitaldi politikoan.

Datozen Udal Hauteskundeetarako Kepa Zubiarrain alkategaia buru duen hautagaitza aurkeztu du EAJ-PNVk eta zerrendakideei babesa azaldu nahi izan die Olanok. Hain zuzen ere, Lazkao lurralde osorako “eredu” gisa goraipatu du egungo diputatu nagusiak, bertako udalak gaur egun zor publikorik ez daukalako, “azken lau urteotan egindako kudeaketa eredugarriari esker”. Gipuzkoak oro har bere erakundeen zorra “nabarmen” jaitsi badu –Aldundian, adibidez, lau urtean 100 milioitan jaitsiarazi da zorra–, hautagaiak gogoratu duenez, hori EAJk erakundeetan egindako “lan serioari” esker izan da.

“Datozen hauteskundeetan hori ere aukeratu beharko dute herritarrek. Ziurgabetasuna ala konfidantza; erakundeen kudeaketa aldakor eta arina ala gestio arduratsu eta zorrotza; gizarteari bizkarra emanda lan egitea ala desafio eta arazoei elkarrizketaren bidez aurre egitea; iragana ala etorkizuna”, konparatu du Olanok. “Ardura, seriotasuna, elkarlana eta erakundeen kudeaketa egokiaren bermea EAJ da”, laburbildu du.

Diputatu nagusirako hautagaiak nabarmendu duenez, Kepa Zubiarrainek eta bere lan-taldeak “bete-betean” bat egiten du eredu eta berme horrekin, Lazkaoko alkategaiak industriaren alorrean kudeaketa eta finantza-arduradun gisa izandako ibilbideak erakusten duen moduan. Horregatik guztiagatik, “herriaren eta herritarren alde, Gipuzkoa sendo, lehiakor eta sozialki aurreratu baten alde” lan egiteko emandako pausoa eskertu die Olanok hautagaitzako kideei.

Diputatu nagusiak, baita ere, azken lau urtean herrian eta lurraldean bizitako aldaketa nabarmendu du. “Lazkao hazten ari da herri gisa, ekonomia, gizartea eta elkarbizitza mailan. Berdin ari da gertatzen gure lurraldean. Sendoago, indartsuago gaude, langabeziak behera egin du eta gizarte kohesionatuagoa daukagu. Gure ekarpena nabarmena izan da alor horietan. Enpresak eta industriak lagundu ditugu lanpostu gehiago eta hobeak sortzen, Deskargako obrak amaitu ditugu, pobrezia eta prekarietatea bizi duten pertsonei lanpostu duin bat lortzen laguntzeko tresna berritzaileak sortu ditugu eta elkarlanean aritu gara buru-belarri eragile, enpresa eta herritarrekin”.

Lankidetza horren lekuko, “euskararen alorrean sortutako elkarlan dinamikak” goraipatu ditu Olanok. “Kapazak izan gara agenda partekatu bat osatzeko erakundeen eta herri eragileen artean”, azpimarratu du.

“Hori guztia da Gipuzkoaren oraina eta etorkizuna eraikitzea. Eta datozen hauteskundeetan horixe dago jokoan. Gure lurraldea eta herriak indartzen segitzea, etorkizuna eraikitzen jarraitzea edo, beste aldean, ziurgabetasuna, liskarra eta iragana. EAJ da jarrera arduratsua eta segurua gure erakundeetan, EAJ da etorkizuna”, laburbildu du.

Lazkaoko hautagaitza

Lazkaoko batzokiaren aurrean egindako ekitaldian aurkeztu du Kepa Zubiarrain alkategaiak datozen lau urteotan alboan izango duen lan taldea, baita hauteskunde programako ildo nagusiak ere. Banan banan izendatu ditu bere taldekide guztiak, baina aurretik eskerrak eman nahi izan dizkie legealdi honetan lanean aritu direnei eta pauso bat aurrera eman eta taldera batu diren kide berri guztiei.

Kepa Zubiarrainek adierazi duenez, “esperientzia bezain garrantzitsua da berritasuna talde honek etorkizunean jarraipena izan dezan”. “Hori dela eta, profil ezberdinetako pertsonak eta pertsona berriak eta gazteak gehitu ditugu taldera. Beraz, gaztetasuna, berritasuna, esperientzia, ilusioa, lanerako gogoa eta helduenen esperientzia eta babesa uztartzen dituen hautagaitza talde sendoa osatu dugu”, azaldu du.

Alkategaiak gogora ekarri nahi izan du 2011-2015 legealdia, “geldialdiaren” garaia izan zena. “2015ean EAJk udal ardurak berreskuratu zituenean, Lazkao geldo bat aurkitu zuen, noraezean zebilen Lazkao bat” jarraitu du. “Legealdi honetan geldialditik atera du EAJk Lazkao eta zorionez atzean utzi dugu guzti hura eta orain etorkizunera begira jarraitzeko garaia da” azaldu du.

Zubiarrainek balioan jarri nahi izan du EAJk 40 urteotan Lazkaon egindako lana “40 urteotan proiektu sendo bat dugula erakutsi dugu, baita kudeaketarako eta akordioetara iristeko gaitasuna eta argi utzi dugu emandako hitza betetzen dugula”. Ondoren, aurrera begirako konpromisoak azaldu ditu, kiroldegiaren berritze proiektua, auzo eta kaleetan irisgarritasuna eta mantenua hobetzen jarraitzea, ahulenei babesa eta laguntza eskaintzen jarraitzea eta berdintasuna eta ingurumena erdigunean jartzea aipatu ditu, baita elkarbizitza eta errespetua oinarri izango dituen Lazkao eraikitzen jarraitzea ere.

“EAJ-PNVren eskutik, lau urte hauetan nabarmen egin du hobera bizikidetzak Gipuzkoan”

Posted on by markel

Tolosaldeako hautagaitzen aurkezpenan hartu du parte gaur Markel Olanok eta, bertan, esan du datozen foru eta udal hauteskundetan herritarrek politika egiteko “bi estiloren” artean aukeratu behar dutela, “ezker abertzalearena edo gurea”. Hautagai jeltzaleak Tolosa jarri du adibide bezala, lurraldean duela lau urte bizi zen giroa eta gaur egungo egoera alderatuz: “Nola aldatu den herriko giroa, nola aldatu den Udalaren papera, nola aldatu den bizikidetza… Tolosa Gipuzkoan gertatu denaren adibidea da”, esan du Olanok. “Herritarrek orain aukeratu beharra daukate, edo iraganera itzuli, edo etorkizuna jo. Eta oso argi daukat etorkizuna EAJ-PNV dela”, esan du.
Hala ere, Olanok adierazi du lan asko dagoela egiteko maiatzaren 26aren aurretik, “gure mezua herritar guztiengana iristeko”. “Azken hauteskundeetan, Senatu eta Kongresukoetan, herritarrak mobilizatzeko modua egon zen, eta orain berriro ere mobilizazio maila bera lortu behar dugu. Hori lortzen badugu, herritarrek ezagutzarekin eta ziur daudelako bozkatzea lortzen badugu, gure lana ondo egin dugunaren adierazle izango da”, esan du. Olanok azaldu duenez, kanpainan zehar argudioak ematen jarraituko dugu, gogoratuz “jokoan dagoena Tolosa, Tolosaldea edota Gipuzkoa osoak aukeratu behar dutena dela edo iraganera itzuli edo aurrea egin, etorkizunera”.

Olanok Gipuzkoako ekintzailetza-ekosistema balioan jarri du eta ekonomia “aurreratu eta indartsua” eraikitzeko oinarria dela defendatu du

Posted on by markel

Markel Olanok, Gipuzkoako diputatu nagusia eta berrautaketarako kandidatua denak, Miramongo Parke Teknologikoan dauden CounterCraft eta Deneb Medical startup-ak bisitatu ditu, lurraldearen etorkizunerako estrategikoak diren sektoreetan aitzindari direnak: zibersegurtasunean eta biozientzietan. Olanok nabarmendu du Gipuzkoak startup-en eta enpresa berritzaileen ekosistema “dinamikoa, berritzailea, oso aberatsa eta etorkizunera begiratzen duena” duela, eta “ekonomia aurreratu eta indartsu bat eraikitzeko oinarria” dela gehitu du. Olanok etorkizuneko sektoreetan enpresa berrien sorkuntzaren aldeko apustua egiten jarraitzeko beharra azaleratu du, “giltzarria delako garapen ekonomikorako eta Gipuzkoako enpresa-ehunaren ongizaterako”.

Markel Olanok adierazi du, lau urtean, Gipuzkoako Foru Aldunditik 6M€-tik gora bideratu direla enpresa berrien sorkuntzara, “ekintzailetzaren kultura sustatzen jarraitzea giltzarria da susperraldi ekonomikoan eta honen garapenenean eragin zuzena duelako”. Guztira, urtean 500 enpresa ingururen sorkuntzan lagundu dela gehitu du, eta helburu horretarako, hainbat programa indartu dira, Emekin horien artean, emakumeek sortutako enpresak laguntzea bilatzen duena.

Hautagai jeltzaleak CounterCraft eta Deneb enpresekin egiaztatu du Gipuzkoako startup-ek eta enpresa txiki eta ertainek bizi duten egoera, nazioarte mailan duten posizioa, inbertsioak erakartzeko gaitasuna eta eragile publiko eta pribatuekin aliantzak sortzeko ahalmena. Olanok etorkizunera begirako konpromisoa agertu du eta hauteskunde programan jasotako ideiak partekatu ditu, sustapen ekonomikoarekin, berrikuntzarekin, ekintzailetzarekin eta berrikuntzarekin lotutakoak: “Gipuzkoak egun oinarri teknologikoko eta balio erantsi altuko enpresa-ekimen asko biltzen ditu, eta hauek bultzatzen eta babesten jarraitu behar dugu, inongo zalantzarik gabe”.

“Enpresa hauek, gainera, mundura irekita daude eta kalitatezko enplegua sortzen dute; eta hau, gure ekonomiaren etorkizuneko lehiakortasunerako eta gipuzkoar ororen ongizaterako bermea da. Etorkizuneko ekonomia nolakoa izango den erakusten digute”. Olanok adierazi du nazioartekotzea dela lurraldeko enpresen jardunaren giltzarrietako bat eta gehitu du beharrezkoa dela hori “babesten jarraitzea, eta etorkizuneko sektore estrategikoak sustatzen jarraitzea: elektromugikortasuna, zibersegurtasuna, zahartze osasuntsua eta biozientzien alorra. Azaleratzen ari diren sektoreak dira eta estrategikoak Gipuzkoa indartsu bat eraikitzeko”.

Zibersegurtasuna eta biozientziak

Hautagai jeltzaleak defendatu du “zibersegurtasuna eta biozientzien alorra estrategikoak direla gure lurraldearen etorkizunerako”, Gipuzkoak puntako enpresak dituelako bi alorretan, eta “garrantzitsuagoa” dena, potentzial “nabarmena” erakusten dutena “hazkundean eta jarduera berriaren sorkuntzan”.

Miramongo Parke Teknologikora egindako bisitan, CounterCraft enpresako sortzaileekin bildu da Olano, David Barroso, Fernando Braquehais eta Daniel Brettekin. Zibersegurtasunera dedikatzen den enpresa da, ezagutza lokala sortzen duena alor horretan, baita zibersegutasunerako erantzunak, zerbitzuak eta adimena ere, fokua talentuan eta berrikuntzan ipiniz. Ziber-iruzurrean oinarritutako teknologia garatu duen lehen enpresa izan da CounterCraft, mehatxuen aurrean informazio pertsonalizatua ematen duena, hauen antzematea, erantzun azkarra ematea eta zibersegurtasun kostuak nabarmen gutxitzea ahalbidetzen duena. Sortzaileen hitzetan, CounterCraft enpresaren teknologia nazioarteko hainbat sarirekin aitortua izan da eta liderrak diren 15 partner estrategiko baino gehiago ditu nazioartean, “mundu mailan zibersegurtasunaren industrian duen posizioa berretsiz, erabateko hazkundean dagoena”.

Bisitarekin bukatzeko, hautagai jeltzalea Deneb Medical enpresako egoitzara hurbildu da, Juan Arregi eta Aritz Lazkoz sortzaile eta bazkideekin hitz egiteko. Biozientzien industrian jarduten duen enpresa da, zientzia eta berrikuntza txertatu eta aplikatzen dituena osasunaren arlora. Berrikuntza eta ikerketatik abiatuta, Deneb Medical enpresak kirurgiarako robotika plataforma bat garatzen du, denbora errealean ehunak identifikatzeko gai dena. Arregi eta Lazkozek esan duten bezala, Estatu Batuetara eginiko lehen hurbilketan, oso harrera ona izan du teknologia horrek, kirurgia merkatuko eragileen aldetik, hala nola zirujau eta erreferente diren ospitaleen aldetik; garatzen ari diren sistemaren interesa balioztatuz.

Amaitzeko, Markel Olanok etorkizuneko sektoreetan aurrera egiteko beharra azpimarratu du, “erronka erabakigarria dena gure gizartearen etorkizunerako”, eta errepikatu du “enpresa bakoitzak Gipuzkoa osorako benetan baliogarria den enpresa-ekosistema osatzen dutela”. Batez ere Miramongo Parke Teknologikoan finkatuz “ezagutzaren eta talentuaren sorkuntza epizentro bezala”, 135 enpresa baina gehiago dituena ingeniaritzara, elektronikara, TIKetara, biozientzierata, energiara, zerbitzu aurreratuetara, etab.

“Errespetua, entzute aktiboa eta ulertzeko gaitasuna dira gure kudeaketa ereduaren ikurrak”

Posted on by markel

Gipuzkoako diputatu nagusi izateko EAJ-PNVren hautagai den Markel Olanok alderdiaren Legazpiko hautagaitzaren aurkezpenean hartu du parte gaur, Koldobike Oleaga delarik alkategaia. Bertan, EAJ-PNVren eredua defendatu du Olanok: “Gure eredua gizartearen ondoan egon eta berarekin lan egitea da gertutik, inor alboratu gabe, denentzako gobernatuz. Errespetua, entzute aktiboa eta ulertzeko gaitasuna dira gure nortasun ikurrak”, aldeztu du. Honela, adibide bezala hainbat proiektu aipatu ditu: Etorkizuna Eraikiz, lurraldearen etorkizuna eraikitzeko ahaleginean 33.000 pertsona inplikatu dituena; Lurralde Garapenerako Laborategia, eskualde guztiak parte hartzen ari direna garapen ekonomiko orekatua bermatzeko; eta Elkar-Ekin egitasmoa, gizarte bazterkeriari aurre egiteko eragile guztiekin adostutako estrategia.
Era berean, gogoratu du EAJ-PNV dela Gipuzkoarentzako aukera politikorik egokiena. Gehitu duenez, alderdi hau da “ekonomiaren eta gure industriaren aldeko apustu garbia” egiten duen eragile bakarra, eta baita ere ezberdintasunak murrizteko proposamen zehatzak egiten dituen aukera bakarra. “Gipukoa indartu nahi dugu, guztiontzako ongizatezko etorkizuna eraikitzeko Gipuzkoa sendoa. Eta hau, elkarlanaren bitartez bakarrik lortu dezakegu, entzute aktiboa eta lankidetzan sakonduz”, esan du hautagai jeltzaleak. “Orain da jauzia emateko unea, indartzen jarraitzeko unea”, gehitu du, herritarrei eskatuz bidea emateko “gauzak egiteko modu berri honi”.

“Gipuzkoak konfrontazioko iraganaren eta adostasuneko etorkizunaren artean aukeratu behar du, ezker abertzalearen eta EAJ-PNVren artean”

Posted on by markel

BERGARA. “Datozen foru hauteskundetan, konfrontazioko iraganaren eta adostasuneko etorkizunaren artean aukeratu behar du Gipuzkoa, ezker abertzalea edo EAJ-PNV. Denok dakigu nolakoa izan dena iragana; etorkizuna, bere aldetik, herritarrengandik gertu egotea da, etengabeko harremana izatea, entzute aktiboa, elkarlana… etorkizuna EAJ-PNV baita”. Hala adierazi du gaur Markel Olano diputatu nagusi izateko hautagaiak, gaur eguerdian Bergaran egindako ekitaldi jendetsuan, zeinean Bergarako EAJ-PNVk, Elene Lete alkategaia buru, maiatzaren 26ko udal hauteskundeetarako zerrenda ezagutzera eman duen. Munibe plazan egindako ekitaldian, herriko hautagaiekin batera, parte hartu du, baita ere, Joseba Egibar Gipuzko Buru Batzarreko presidenteak.
Olanok azaldu duenez, ordezkatzen duen alderdia da lurraldea kudeatzen jarraitzeko “aukerarik onena” eta “prestatuen dagoena”, “zeren horrela erakutsi baitugu azken legealdi honetan”. “Orain eta etorkizuna gara, Gipuzkoa sendotzen jarraitzeko eta guztiontzako ongizatezko etorkizuna eraikitzen jarraitzeko bermerik onena”, azaldu du.
Nabarmendu eta gero Gipuzkoa, 720.000 biztanle dituela, lurralde “langilea, solidarioa, berritzailea eta ekintzailea” dela, oroitarazi du aurreko legealdian gizarteari “bizkar eman zitzaiola”; legealdi honetan, berriz “gizartean konfiantza eduki eta entzun egin diogu. Eta hori jendeak onartu egiten digu”. Izan ere, “EAJ-PNVn proiektuei zehaztasunez eta seriotasunez heltzen diegu; eta horretaz ezin du alderdi guztiek hitz egin”. “Hain zuzen, demostratu dugu gure hitza betetzeaz gain, ongi kudeatzen dugula, arazoei konponbidea emanez, esaterako, hondakinen kudeaketan edo Deskargako autobidea martxan jarrita”, erantsi du Olanok, zeinaren ustez Deskarga bera den kudeaketa onaren “adibide paradigmatikoa”; baita azpimarratu ere Aintzane Oiarbide diputatuaren “lan bikaina Deskargan eta EH Bilduren porrota aurreko legealdian”.
Bestalde, Olanok azpimarratu du legealdi honetan lehentasuna eman diotela ekonomiari eta desberdinkeria gutxitzeari”. Nabarmendu eta gero Gipuzkoan langabezia %8raino jaitsi dela, esan du hala ere lanean “jarraitu behar dugula prekarietatearen aurka eta kalitatezko ;enpleguaren alde”. Eta hori, bere ustez, “ezin hobeto islatzen da Mondragon Korporazioaren misioan: kalitatezko enplegua sortzea”.
Era berean, dipatu nagusi izateko hautagaiak adierazi du “oso deigarri egin zaiola ikustea bakarrik EAJ-PNVk duela hizpide ekonomia, gure enpresen etorkizuna edo gizarte kohesioa; harrigarria da sindikatuak eta beren burua ezkertiartzat duten alderdiak isilik egotea. Bakarrik aho txikiarekin al dira ezkertiarrak?”. Gaineratu du EAJ-PNVren eredua da gizartean konfiantza izatea eta entzutea, elkarlanean aritzea, inor baztertu gabe; eta guztientzako gobernatzea, irainik edo errespetu faltarik gabe”. Horren harira, gogorarazi du iraganean konfrontazioko egoerak bizi izan baditugu ere, inork ez gaituela eszenategi horretan aurkituko, gure kultura politikoa juxtu kontrakoa delako, errespetuan, entzute aktiboan eta akordioan oinarrituta”.
Arlo sozialean, azaldu du Gipuzkoak gizarte kohesionatua duela eta, azken urteetan, desberdintasunak murriztea lortu duela. “Gero eta lurralde kohesionatu eta berdinagoa izatea nahi dugu, eta hori da EAJ-PNVren eredua hain zuzen”, nabarmendu du. Puntu honetan, Elkar-EKINen garrantzian jarri du azpimarra, legealdi honetan gizarte bazterkeriari aurre egiteko martxan jarri den ekimena. “Seguruenik, alderdi bezala martxan jarri dugun ekimen politik eta politikoki adierazgarrienetakoa da; berez uste dugu Elkar-EKIN Europa mailan aztertua izango dela”.
Dena den, Olanok azpimarratu badu ere Gipuzkoan desberdinkeria jaitsi egin dela (“GINI indizea puntu bat jaitsi da, 25,3ra, alegia, Noruegaren pare”), esan du oraindik ere 35.000 lagun daudela pobrezia egoeran edo arriskuan. “Eta hori da, hain zuzen, Elkar-EKIN Gizarteratze Planaren egitekoa, zeinari esker lortzen ari den urtero 1.000 pertsonak lana aurkitzea”.
Berriro diputatu nagusi izateko hautagaiak erantsi du Elkar-EKIN planaren bitartez, esperantza eta enplegu duina eman nahi diegula kolektibo ahulei, baita prekarietate egoeran bizi diren gazteei ere. Hau da, desberdinkeriari aurre egiteko ez dugu lema erraz eta superfizialik erabiltzen; guk, aldiz, ekintza zehatz eta efizienteak egiten ditugu”.
Laburtzeko, Olanok esan du hauteskundeetara aurkeztuko duen programa hiru ardatz nagusiren inguruan gorpuzten dela: “Gizarteari entzun eta konfiantza eman, seriotasunez eta zuzentasunez eutsi proiektuei eta “lehentasun osoa” ematea ekonomiari eta desberdintasunen aurkako borrokari. Horretaz ari gara, baita ere, Gipuzkoa sendoa nahi dugula esaten dugunean”
Joseba Egibarrek, berreiz, nabarmendu du herri batek, nazio batek, “herrigintza” behar duela, eta jakin “zertarako eta nola eraiki behar duen”. Eta gaineratu du azken hamarkadatan bi estrategiak “talka egin dutela”, baina gaur egun ezker abertzaleak jada ez duela bere burua abertzaletzat, ezker independistatzat baizik; eta hori Arnaldo Otegik berak esana da. Beraz, EH Bilduk jada ez du aberria aipatzen. EAJ-PNVn berriz, abertzaleak gara gauza guztien gainetik, abertzalea izatearen oinarria pertsona bera delako, bere giza eskubideekin, edozein gauzaren gainetik”.
“Guk proposatzen duguna da eredu bat non eskubideak eta baloreak uztartzen diren, elkarbizitzan oinarrituta”, nabarmendu du Egibarrek, zeinak, amaitzeko, EAJ-PNV-ren “konpromiso etiko, politiko eta demokratikoa” ahotan hartu dituen. Eta gogoratu du alderdi jeltzalea dela “ezaugarri horiek batzen dituen alderdi bakarra. Izan ere, ez PSEk ez ezker abertzaleak ezin dute hori bermatu. Ez gara nagusi, baina bai ardatz”, osatu du.

“Gipuzkoak iraganaren eta etorkizunaren artean aukeratu behar du, ezker abertzalearen eta EAJ-PNVren artean”

Posted on by markel

DONOSTIA. “Datozen foru hauteskundetan, iragana eta etorkizunaren artean aukeratu behar du Gipuzkoa, ezker abertzalea edo EAJ-PNV. Denok dakigu nolakoa izan dena iragana; etorkizuna, bere aldetik, herritarrengandik gertu egotea da, etengabeko harremana izatea, entzute aktiboa, elkarlana… etorkizuna EAJ-PNV da”. Gipuzkoako diputatu nagusi izateko EAJ-PNVren hautagaia den Markel Olanok gaur azaldu duenez, ordezkatzen duen alderdia da lurraldea kudeatzen jarraitzeko “aukerarik onena” eta “prestatuen dagoena”, “horrela erakutsi baitugu azken legealdi honetan”. “Orain eta etorkizuna gara, Gipuzkoa sendotzen jarraitzeko eta guztiontzako ongizatezko etorkizuna eraikitzen jarraitzeko bermerik onena”, azaldu du.
EAJ-PNVk datozen hauteskundetarako dituen Gipuzkoarentzako proposamenen aurkezpenean hartu du parte gaur Olanok, Donostiako CIC biomaGUNEn egin den ekitaldia. Parte hartu du, baita ere, Donostiako alkategai jeltzale den Eneko Goiak. Ekitaldian datozen foru eta udal hauteskundetako EAJ-PNVren ehun hautagai eta erakunde eta politika arloko arduradunetik gora elkartu dira, eta alderdi jeltzaleak lurraldearentzako dituen proposamen nagusiak aurkezteko balio izan du.
Bere hitzaldian, EAJ-PNV datozen hauteskundetan dagoen aukerarik onena dela defendatu du, hainbat arrazoi direla eta: “Denentzako gobernantzen dugu, eta denak entzuten ditugu; kudeaketa eraginkor eta gardena egiten dugu; ekonomiari ematen diogu lehentasuna; ongizate politikak indartu eta gizarte desberdintasunak murrizteko bermea gara; Gipuzkoak behar dituen proiektu handiak aurrera eramaten dakigu; eta lurraldea prestatzen ari gara, etorkizunean berme guztiekin aurrera jarrai dezan”, esan du hautagai jeltzaleak, berriro ere ideia berdina azpimarratuz: “maiatzeko hitzorduan jokoan dagoena da gure ereduaren edo ezker abertzalearenaren artean aukeratzea”.
Horrela, Olanok adierazi du “oraingo Gipuzkoa duela lau urtekoa baino askoz indartsuagoa dela”, zuzentzen duen taldea Aldundira iritsi zenean. “Arduradun politikoen jarrera aldaketa egon da, eta ondorioz errealitatea aldatu da. EAJ-PNVk lurralde honi egin dion ekarpen inportanteena elkarlan eta giro aldaketa horiek dira”, nabarmendu du. Ideia honetan sakonduz, gehitu du ekonomia “nabarmen” hobetu dela, lurralde modernizatzeko behar diren proiektu nagusiak martxan edota amaitzetik gertu daudela eta gizarte kohesioa indartu dela, gizarte ezberdintasunak murriztea lortuz. “Eta hau dena elkarrizketaren bitartez egin du, gizarteari entzun eta ahotsa emanez. Alderatu aurrera egite hau, duela lau urte Gipuzkoak bizi zuen paralisiarekin”, esan du.
Arlo ekonomikoan murgilduz, Gipuzkoak bere arima industriala mantentzea garrantzitsua dela esan Olanok, bere ekonomiaren ardatz nagusia baita eta, ondorioz, lurraldeak duen ongizate mailaren euskarria ere badelako. Era berean, adierazi du kalitatezko enplegua dela gaur egun herritarrek duten kezka nagusietakoa. Eta, hain zuzen, bi kontu hauetan, ekonomiaren etorkizuna eta enpleguaren kalitatea, “EAJ-PNV da proposamen zehatzak egiten dituen eragile bakarra”, hautagai jeltzaleak esan duenez. Gainera, gehitu du bere alderdia eta Gipuzkoako Foru Aldundia etorkizuneko apustuak ere ari direla egiten elektromugikortasuna bezalako arloetan. “Une honetan, EAJ-PNV da Gipuzkoaren etorkizun ekonomikoa bermatzen duen alderdi politiko bakarra”, adierazi du.
Arlo sozialean, azaldu du Gipuzkoak gizarte kohesionatua duela eta, azken urteetan, desberdintasunak murriztea lortu duela. “Gero eta lurralde kohesionatu eta berdinagoa izatea nahi dugu, eta hori da EAJ-PNVren eredua hain zuzen”, nabarmendu du. Puntu honetan, Elkar-EKINen garrantzian jarri du azpimarra, legealdi honetan gizarte bazterkeriari aurre egiteko martxan jarri den ekimena. “Seguruenik, alderdi bezala martxan jarri dugun ekimen politik eta politikoki adierazgarrienetakoa da”. Esan duenez, proiektu honen bitartez, “populismoa eta xenofobiari aurre egiten ari gara”, eta ziur agertu da eredu honek “balioko duela, eta Europa mailan aztertua izango dela populismo xenofoboa geldiarazteko formula bezala”.

Hiru ardatz
Gainera, diputatu nagusi izateko hautagaiak aurreratu duenez, hauteskundetara aurkeztuko duen programa hiru ardatz nagusiren inguruan gorpuzten da: gizarteari entzun eta konfiantza eman, seriotasunez eta zuzentasunez eutsi proiektuei eta “lehentasun osoa” ematea ekonomiari eta desberdintasunen aurkako borrokari. Olanoren esanetan, Gipuzkoa lurralde dinamikoa eta “potentzial handia” dauka. Administrazio publikoen egitekoa, ondorioz, sormen eta energia iturri horren bidelagun izatea beharko luke. “Gure kanpainako leloa eman bidea da, eta lelo horrekin esaten ari garena zera da: enplegu gehiago eta hobeagoa lortzea, ezberdintasunak murriztea, gure etorkizuna eraiki eta bermatu eta herritarrek politikarekiko duten konfiantza berreskuratzeaz ari gara. Horretaz ari gara, baita ere, Gipuzkoa sendoa nahi dugula esaten dugunean”, esan du.
Bere aldetik, Donostiako alkate izateko EAJ-PNVren hautagai den Eneko Goia pozik agertu da, pasa den asteko Espainiako hauteskundetan izandako emaitza onak direla eta. Ondorioz, eskerrak eman dizkie herritarrei, EAJ-PNVri emandako babesa dela eta. “Azken hauteskunde horietako leloa izan da hemen, EAJ-PNV. Eta herritarrek esan digute baietz, hemen, aukerarik onena EAJ-PNV dela. Honenbestez, Madrilgo hauteskundetarako aukerarik onena garela ondorioztatu badugu, hemen ere berdina esan behar dugu”, adierazi du, mobilizaziora dei eginez.

“EAJ-PNV edo ezker abertzalea, hori da datozen hauteskundetan jokoan dagoena”

Posted on by markel

EAJ-PNVren diputatu nagusi izateko hautagaiak, Markel Olanok, Ordiziako EAJ-PNVren hautagaitzaren aurkezpenean hartu du parte gaur. Bertan, datozen foru hauteskundeen inguruko gogoeta egin du eta esan du “jokoan dagoena datorren lau urtetan Gipuzkoako erakundeak nork gobernatuko duen” dela: EAJ-PNV edo ezker abertzaleak”. Hautagai jeltzalearen ustetan, ordezkatzen duen alderdia “prestatuena” da lurraldea gobernatzeko, legealdi honetan gertatu denak erakusten duen bezala: “Denentzako gobernatu dugu, modu eraginkor eta gardenean kudeatuz; krisi ekonomia gainditzen lagundu dugu, eta gizarte desberdintasunak murriztu dira; eta geldirik zeuden azpiegiturak martxan jarri ditugu, eta baita Gipuzkoaren etorkizuna eraikitzen hasi ere”.
Olanoren ustetan, ezberdintasunak nabarmenak dira aurreko legealdiarekin alderatzen badugu, garai hura “krisi ekonomikoa, paralisia eta konfrontazio giroak” markatu baitzuen. “Aldaketa agerikoa da”, esan du diputatu nagusi izateko hautagaiak, langabeziak bi aldi hauetan izan duen aldea jarriz adibide bezala: %8tik %13ra igo zen Bilduren legealdian, eta ondoren %8 jaitsi berriro ere Markel Olano diputatu nagusi izan zen aldian.
“Langabeziaren beherakada egoera ekonomikoaren aldaketaren ondorio da, baina baita ere gure Gobernuak egin duen ekarpenarena, krisiaren gogorrena gainditzeko gure enpresen alboan egoten jakin izan baitugu”, adierazi du.
Joan den igandeko hauteskunde orokorrei erreferentzia eginez, Olanok azaldu du gizarteak “erreakzio irmo eta demokratikoa” izan zuela bozetan, “populismo xenofoboa eta muturreko zentralismoa” zabaltzeko arriskuari aurre eginez. “Gizarteak erakutsi du ez duela inboluzio politiko edo sozialik onartzen, gure autogobernuaren eta erakundeen alde egiten duela, eta gizarte gaietan aurrera egiten jarraitu nahi duela”, gogoeta egin du.
Horrez gain, Olanok irakurketa oso positiboa egin du EAJ-PNVk lortutako emaitzen inguruan, aipatutako “erreakzio demokratikoaren buru” izan delako. Bere iritziz, gizarteak babestu du azken legealdian bere alderdia erakundeetan egiten ari den “lan serio eta eraginkorra”, zein autogobernuaren eta erakundeen defentsan duen “sinesgarritasuna”. Hilaren 26ko udal eta foru hauteskundeak “aukera berri bat” eskainiko dute, bere iritziz, “Ordizia eta Gipuzkoa sendotzen jarraitzeko” eta lurraldeak bere osotasunea “etorkizunera begira jarraitu dezala” erabakitzeko.

“Datozen lau urtetan Gipuzkoa nork gobernatuko duen dago jokoan maiatzaren 26an, EAJ-PNV edo ezker abertzaleak”

Posted on by markel

DONOSTIA. EAJ-PNVren diputatu nagusi izateko hautagai den Markel Olanok bere hauteskunde kanpainaren edukiak aurreratu ditu gaur, maiatzeko hitzorduari begira, eta esan du “jokoan dagoena datorren lau urtetan Gipuzkoa nork gobernatuko duen” dela: EAJ-PNV edo ezker abertzaleak”. Hautagai jeltzalearen ustetan, ordezkatzen duen alderdia “prestatuena” da lurraldea gobernatzeko, legealdi honetan gertatu denak erakusten duen bezala: “Denentzako gobernatu dugu, modu eraginkor eta gardenean kudeatuz; krisi ekonomia gainditzen lagundu dugu, eta gizarte desberdintasunak murriztu dira; eta geldirik zeuden azpiegiturak martxan jarri ditugu, eta baita Gipuzkoaren etorkizuna eraikitzen hasi ere”.
Olanoren ustetan, ezberdintasunak nabarmenak dira aurreko legealdiarekin alderatzen badugu, garai hura krisi ekonomikoa, paralisia eta konfrontazio giroak markatu baitzuen. “Aldaketa agerikoa da”, esan du diputatu nagusi izateko hautagaiak, langabeziak bi aldi hauetan izan duen aldea jarriz adibide bezala: %8tik %13ra igo zen Bilduren legealdian, eta ondoren %8 jaitsi berriro ere Markel Olano diputatu nagusi izan zen aldian. “Langabeziaren beherakada egoera ekonomikoaren aldaketaren ondorio da, baina baita ere gure Gobernuak egin duen ekarpenarena, krisiaren gogorrena gainditzeko gure enpresen alboan egoten jakin izan baitugu”, adierazi du.
EAJ-PNVren hautagaiak kazetariekin egin duen gosari informatibo batean hartu du parte gaur goizean, Gipuzko Buru Batzarraren egoitzan, hurrengo hauteskunde kanpainan defendatuko dituen lan lerro eta ideiak aurkezteko. “Konfiantza itsua daukagu Gipuzkoako lurraldean, bere gizarte egituran, gure ehun ekonomikoaren gaitasunean… Oso lurralde indartsua gara, sendoa, etorkizuna duena, erakundeetatik elkarlanerako jarrerarekin laguntzea behar duena. Hori izan da orain arte izan dugun lan egiteko estilo, eta hori izango da aurrerantzean izango duguna ere”, azpimarratu du.
Gainera, aurreko igandeko hauteskundeak ere izan ditu hizpide Olanok. Bertan, esan duenez, euskal gizarteak “erreakzionatu” egin du Estatuko zenbait alderdiren xenofobia eta zentralismo erradikalaren aurrean. “Euskal gizarteak EAJ-PNV babestu du, jendeak autogobernuaren eta gure erakundeen defentsarekin identifikatzen baikaitu”, adierazi du. Honela, hurrengo hauteskundeei begira, Olanok tentsio mantendu eta ez erlaxatzeko deia egin du, “leia oso estua izango baita Gipuzkoan, batez ere bi proiekturen artean: EAJ-PNVrena eta ezker abertzalearena”.

“Gipuzkoako gizartea eta ekonomia sendotzen jarraitzeko, industria eta kalitatezko enpleguaren aldeko apustuari eutsi behar diogu”

Posted on by markel

EIBAR. Lurraldea “alor sozialean eta ekonomikoan” sendotzen jarraitzeko “modu bakarra” industriaren eta kalitatezko enpleguaren “apustu sendoa” egitea dela aldarrikatu du gaur Eibarren Markel Olanok, diputatu nagusirako EAJ-PNVren hautagaiak, Markel Olanok. “Hori da, hain zuzen ere, Gipuzkoa sendotzeko aukeratu dugun bidea. Inoiz baino gehiago bide horri eutsi behar diogu, lurraldeak ekonomia lehiakorra eta gizarte justu eta kohesionatua izan ditzan”, adierazi du.

Urkizuko parkean gaur goizean egindako ekitaldi politikoan, Eibarko Udalerako EAJ-PNVren hautagaitzaren –Josu Mendicute da alkategaia– aurkezpenean hartu du parte gaur Olanok. Bertan elkartutako alderdikideen aurrean, Olanok baieztatu du Gipuzkoa “orain dela lau urte baino sendoagoa” dela gaur egun, “ekonomia eta enpresen aktibitatea suspertu egin delako, desberdinkeria gutxitu egin delako eta langabezia tasak behera egin duelako” %8 inguruko zifretara, 2014an %14ko bazen ere.

“Baina ez da nahikoa, ezinbesteko dugu lanean jarraitzea eta lanpostu gehiago eta kalitate hobeagokoak sortzeko gure eskuetan dagoen guztia eginetz. Herritarrek hala eskatzen digute gainera. Gazteriari esperantza eman behar diogu, askotan prekarietate egoeran baitago”, adierazi du.

Langileen Nazioarteko Egunean, EAJ-PNVko hautagaiak nabarmendu du alderdi jeltzaleak kalitatezko enpleguaren alde egiten duen apustu “sendoa”. Azaldu duenez, legealdi honetan herritarrei emandako hitza bete du foru gobernuak, ekonomiaren suspertzea “lehentasun nagusi gisa” jarrita. “Ekonomia biziberritzeko ekarpen handia egin da, hobekuntza hori pertsona guztiengana eta eskualde guztietara zabaldu dadin, eta etorkizuneko sektoreen oinarriak lurraldeari lotzeko”, gogorarazi du. Horren lekuko, Ekonomia Suspertzeko Plana, zeinetara bideratu diren urtero 50 milioi, eta Elkar Ekin plangintza, zeinak lehen aldiz lerrokatu dituen erakundeak, enpresak eta hirugarren sektoreko elkarteak kolektibo ahulenen lan munduratzea sustatzeko eta lan munduko prekarietateari aurre egiteko.

Testuinguru horretan, Olanok aldarrikatu du “pertsonak erdigunean” jarriko dituen ekonomia bat eraikitzen jarraitzeko beharra. Gaineratu duenez, Gipuzkoa “aitzindaria” baita horretan, “langileen partaidetza eta elkarlana” bultzatzen duen ekonomia eta enpresa ehuna baititu. “Gipuzkoako enpresa ereduak zalantzarik gabe oinarrian ditu pertsonak, beren berrikuntzarako gaitasuna eta talentua, horixe delako lehiakortasunaren oinarri nagusia. Gipuzkoan gero eta enpresa gehiagok langileen partaidetzaren alde egiten dute, ez bakarrik kudeaketan, baita jabegoan ere. Euskal kooperatibismoa da eredu horren ikur nagusia”, gogoratu du.

Diputatu nagusirako EAJ-PNVren hautagaiak, hala ere, ohartarazi du Gipuzkoak ezin duela “geratu” industriaren aldeko apustuan, sektore hori delako “ekonomiaren motorra” eta kalitatezko enpleguaren “sorburu nagusi”. “Gipuzkoako ekonomia indartzen jarraitu nahi badugu, pertsona guztien ongizatea hobetzen, beharrezko ditugu gure enpresak, beharrezko dugu hauek lanpostu gehiago eta kalitate hobeagokoak bultzatzea. Hori da eraikitzen ari garen Gipuzkoa sendoa, ekonomikoki lehiakorra eta sozialki justua”, dei egin du.

Eibarko ekonomiari bultzada berri bat

Olanok nabarmendu duenez, Eibarrek badu bere “ekonomia eta industria indar berriz bultzatzeko” premia, hiri armaginaren historia markatu duen izaera industrial hori atzera “lehen lerroan kokatzeko”. EAJ-PNV, hain zuzen ere, “ekonomia eta enpleguari lehentasun osoa” emateko bermea da, aurreko legealdi honetan Eibarren bertan erakutsi bezala.

“Azken hauteskunde orokorretan, sortu den zarataren erdian, esate baterako, inork gutxik hitz egin du ekonomia eta lanpostu berriak sustatzeko neurriez. EAJk bai, EAJ etengabe horretan ari gara. Eta orain Estatuan hauteskunde emaitzei buruz bakarrik ari diren bitartean, hemen, Gipuzkoan eta Euskadin, martxan jarraitzen dugu, geratu gabe, gure lurraldeko ekonomiaren etorkizuna bermatuko duten apustu sendoak egiten jarraitzen dugu”, aipatu du.

Olanok aurreratu duenez, gainera, EAJ-PNVk segiko du datozen hauteskunde kanpainan, ekonomia eta enplegua bultzatzeko neurriak sustatzen, proposamen berriekin. Dela industriari bultza egiteko, dela gure enpresen modernizazioa bultzatzeko, dela pertsona erdigunean jartzen duten enpresa ereduak sustatzeko, dela enpresa txiki eta ertainak laguntzeko, dela elkarlana eta ekintzailetasuna bultzatzeko.

“Datozen hauteskundeetan Gipuzkoan jokoan egongo da lurraldeko ekonomia eta kalitatezko enpleguaren sorrera sendotzen jarraitzea, edo azken lau urteotako ibilbidean atzera egitea. Eibarren eta Gipuzkoa osoan gure industria, ekonomia eta kalitatezko enpleguaren aldeko lana EAJ-PNVren eskutik etorriko da”, proposatu die herritarrei, eta horretarako aldarrikatu du “herritar guztiekin, erakunde guztiekin eta enpresa zein eragile ekonomikoekin elkarlanean jarraitzea, desafio horri aurre egin eta Gipuzkoa sendotzen jarraitzeko.

“Erreakzio demokratikoa”

Gaur egungo diputatu nagusiak, baita ere, hauteskunde orokorretako emaitzak baloratu ditu. Adierazi duenez, gipuzkoar gizarteak “erreakzio irmo eta demokratikoa” izan zuen joan den igandean, “populismo xenofoboa eta muturreko zentralismoa” zabaltzeko arriskuaren aurrean. “Olatu horren aurrean Gipuzkoa sendotzearen beharraz mintzatu gara azken asteotan. Horregatik pozik egoteko moduan gaude, herritar bezala, gizarteak erakutsi baitu ez duela inboluzio politiko edo sozialik onartzen, gure autogobernuaren eta erakundeen alde egiten duela, eta gizarte gaietan aurrera egiten jarraitu nahi duela”, gogoeta egin du.

Gainera, Olanok irakurketa oso positiboa egin du EAJ-PNVk lortutako emaitzen inguruan, lurraldean botu gehien lortu duen formazioa izan baita eta, beraz, gorago aipatutako “erreakzio demokratikoaren buru” izan delako. Bere iritziz, gizarteak babestu du azken legealdian bere alderdia erakundeetan egiten ari den “lan serio eta eraginkorra”, zein autogobernuaren eta erakundeen defentsan duen “sinesgarritasuna”.

Horregatik, hilaren 26ko udal eta foru hauteskundeak “aukera berri bat” eskainiko dute “Eibar eta Gipuzkoa sendotzen jarraitzeko” eta lurraldeak bere osotasunea “etorkizunera begira jarraitu dezala” erabakitzeko.

Eibarrek behar duen aldaketa

EAJ-PNVren alkategaiak, Josu Mendicutek, zerrendakideak aurkeztu ditu jendaurrean. Beren konpromisoa eskertu die eta lan talde “sendoa” aurkezten duela azpimarratu du, pertsona “zintzo, langile, umilez” osatua, “ilusioa eta balioak” dituena eta, batez ere, “Eibar maite dutenak, eibartar peto-petoak”.

Mendicutek erabateko determinazioa erakutsi du “bizitzeko eta lanerako Eibar hobe bat” eraikitzeko, “aberatsagoa eta justuagoa” izango dena. Horretarako, gaineratu duenez, aurre egin behar zaio “prekarietateari, errenta mailaren jaitsierari, segurtasun falta eta auzoen abandonoari”. Eibarko zerrendaburuak gogoratu du langabezia %12koa dela hirian, lurraldean baino %50 handiagoa. “Eibarko taller eta industria berraktibatu behar ditugu. Horretarako lan egingo dugu, industria zorua sortuz, garapen teknologikoa eta kalitatezko enplegua bultzatu”, berretsi du.

“Gure hiriak aldaketa behar du, aldaketa lasaia eta segurua. Kultura politiko berri batean oinarritutako aldaketa, Eibarko gizartearen pluraltasuna onartu eta ulertzen duen aldaketa”, proposatu du. Horretarako hainbat konpromiso zerrendatu ditu EAJ-PNVko hautagaiak: lanpostu gehiago eta kalitate hobeagokoak, aparkamentuak, pertsonentzat pentsatutako espazioak, gazteria politika sendo bat, adinekoentzako hiri lagunkoia, hiri osasuntsua eta kirolzalea eta eibartar identitatea sendotzea´. “Hiria etorkizun hobeago baterantz gidatu nahi dugu. Proiektu argia dugu, EAJ-PNVe ereduan oinarritua, badakigu entzuten eta prest gaude Eibarrek behar duen aldaketaren alde gau eta egun lan egiteko”, laburbildu du.